Ötən ay Gürcüstanda törədilən cinayətlərin 80 faizə yaxınının üstü açılmayıb

Ötən ay Gürcüstanda qeydə alınan cinayət faktlarının sayı 5 714 təşkil edib.

“Report”un yerli bürosu xəbər verir ki, bu barədə Gürcüstanın Milli Statistika İdarəsinin aylıq hesabatında bildirilib.

İyunda qeydə alınan cinayət hallarının yalnız 1 350 və ya 23,63%-nin üstü açılıb. Qanunsuz əməllərin 76,37%-nin üstü açılmamış qalıb. Ötən ayla müqayisədə cinayət faktlarının sayı 17 hal artıb.

İyun ayında törədilən cinayət əməllərinin böyük əksəriyyəti əmlaka (1 940) və sağlamlığa zərər vurma (1 227) ilə bağlıdır.