Ağdam sakini: Ağlaya-ağlaya çıxdığımız yurdumuza sevinc gözyaşı ilə qayıdırıq

Bu günə kimi o qədər əziyyət çəkmişik ki, doğma yurda qayıtmaq bizim üçün ən böyük hədiyyədir.

Bunu "Report"a açıqlamasında Ağdam şəhərinə köç edən keçmiş məcburi köçkün Şəhla İsmayılova deyib.

O bildirib ki, çox böyük sevinc hissi keçirir:

"Allahdan şəhidlərimizə rəhmət diləyirəm, onların analarının qarşısında baş əyirəm, çünki biz onların sayəsində bu gün evimizə dönürük. Allah cənab Prezident İlham Əliyevə cansağlığı versin ki, bizi hazır evlərlə təmin edib. Qazilərimizə isə sağlıq arzulayıram, mənim qardaşlarım da veterandır.

Vətən elə bir şeydir ki, insanı həmişə özünə çəkir. Biz o vaxt ağlaya-ağlaya çıxdığımız yurdumuza sevinc gözyaşı ilə qayıdırıq".