Nazirlər Kabinetindən otellərin karantin yerlərinə çevrilməsi ilə bağlı açıqlama

"Sahibkarlar var ki, özlərinin istirahət zonalarını və hotelləri artıq dövlətə təqdim ediblər".

"Report" xəbər verir ki, bunu Nazirlər Kabinetinin mətbuat xidmətinin rəhbəri İbrahim Məmmədov AzTV-nin “Hədəf” verilişində çıxışı zamanı deyib.

O bildirib ki, ölkəyə qayıdan şəxsləri karantində saxlamaq üçün mütləq yer lazımdır: "Yerlər də getdikcə çatışmır. Ona görə də sahibkarlarla dövlət arasında həmrəylikdir. Həkimlər var ki, bu işə kömək üçün bizdən xahiş edirlər. Neft Daşlarında işləyənlər evlərinə gəlmək istəmirlər, ölkənin infrastrukturuna öz töhfələrini vermək istəyirlər. Bütün bunlar olduqca təqdirəlayiq haldır".