“Zvartnots” aeroportunda sərhəd nəzarəti üçün əlavə qüvvələr yerləşdiriləcək

Ermənistan Milli Təhlükəsizlik Xidməti (MTX) avqustun 1-də Rusiya sərhədçilərinin ölkəni tərk etməsi ilə əlaqədar “Zvartnots” aeroportuna sərhəd nəzarəti üçün əlavə qüvvələr cəlb edəcək.

"Report" xəbər verir ki, bu barədə "Sputnik-Armeniya"ya qurumdan məlumat verilib.

Rusiya sərhədçilərinin geri çəkilməsinin məzuniyyətlər dövründə hava limanında növbələrə səbəb olub-olmayacağı ilə bağlı sualın cavabında bildirilib ki, sıxlıq adətən eyni vaxtda çoxsaylı reyslər olduqda yaranır.