Pezeşkian: İranın iqtisadi problemlərinin bir hissəsi xarici məhdudiyyətlərdən qaynaqlanır

İranın iqtisadi problemlərinin bir hissəsi xarici məhdudiyyətlərdən, bir hissəsi isə ölkənin xüsusi şəraitindən yaranan təzyiqlərdən qaynaqlanır.

"Report"un "Tasnim" agentliyinə istinadən məlumatına görə, bunu İran Prezidenti Məsud Pezeşkian Nazirlər Kabinetinin iclasında deyib.

O qeyd edib ki, hökumət ölkənin mövcud çətinliklərdən ən az xərc və zərərlə çıxması üçün var gücü ilə çalışır.

M. Pezeşkianın sözlərinə görə, ölkənin sosial kapitalının gücləndirilməsi və problemlərin həlli xalqa dürüst davranmaqdan asılıdır:

"Çətin şəraiti dəf etmənin və güclü, sabit gələcəyə çatmağın yolu sosial kapitala, milli birliyə və İranın qurulmasında hamının iştirakına güvənməkdir".