Paşinyan Ermənistanda tikinti normalarının standartlara cavab vermədiyini etiraf edib

“Ermənistanda mövcud tikinti normaları heç də həmişə müasir standartlara cavab vermir”.

“Report” xəbər verir ki, bunu Ermənistanın baş naziri Nikol Paşinyan tikinti şirkətlərinin nümayəndələri ilə görüşündə deyib.

O, tikinti sektorunda tez-tez baş verən qanun pozuntularını, keyfiyyətlə bağlı problemləri diqqətə çatdırıb.

“Əvvəlcə standartların yüksəldilməsi yolu ilə getməyi planlaşdırırdıq, lakin bunu bir gündə etmək olmaz, əks halda ölkədə bütün tikinti işləri dayandırılacaq”.

Ermənistanın baş naziri qeyd edib ki, ölkədə mənzil fondunun yenilənməsi üçün 15-20 il vaxt lazımdır.