BMT yaxın zamanda Rusiya taxılının ixracına qoyulan qadağanı götürəcəyini vəd edib

BMT Rusiyaya yaxın zamanda taxıl müqaviləsinə uyğun olaraq Rusiya ərzaq məhsullarının ixracına qoyulan qadağanın götürülə biləcəyinə söz verib.

“Report” xəbər verir ki, bunu Rusiya Federasiyasının BMT-dəki daimi nümayəndəsinin birinci müavini Dmitri Polyanski “İzvestiya”ya nəşrinə bildirib.

“BMT bizə nəticənin yaxınlaşdığını vəd edir. Qərar qəbul edərkən biz sövdələşmənin Rusiya hissəsinin icrasının effektivliyini və BMT-nin müvafiq səylərinin nəticəsini qiymətləndirəcəyik”, o bildirib.

Polyanski qeyd edib ki, BMT-nin noyabrın 18-dək öhdəliklərini yerinə yetirmək üçün vaxtı var: “Bu tarix hazırkı razılaşma üçün məntiqi son tarix kimi müəyyən edilib”.