Azərbaycana xarici investisiyalar 13 %-dən çox azalıb

Bu ilin yanvar-sentyabr aylarında Azərbaycanda xarici müəssisə və təşkilatlar əsas kapitala 3 256,6 milyon manat vəsait yönəldib.

“Report” xəbər verir ki, bu barədə Dövlət Statistika Komitəsi məlumat yayıb.

Bildirilir ki, bu, ötən ilin eyni dövrü ilə müqayisədə 13,5 % azdır.

Bu ilin ilk 9 ayında xarici ölkələr və beynəlxalq təşkilatların vəsaitləri hesabına əsas kapitala yönəldilmiş vəsaitin 3 083,9 milyon manatı (94,7 %-i) ABŞ, Böyük Britaniya, Türkiyə, Yaponiya, İsveçrə, Norveç, Virgin adaları, Malayziya, Fransa, Rusiya, Hindistan və İran sərmayədarlarına məxsus olub.