İbrahim Məmmədov: "Bəzi şəxslərə tibbi maskalar ödənişsiz verilir"

"Bu gün ölkədə müəyyən edilmiş şəxslərə tibbi maskalar ödənişsiz şəkildə paylanılır".

"Report" xəbər verir ki, bunu Nazirlər Kabinetinin Mətbuat Xidmətinin rəhbəri İbrahim Məmmədov brifinqdə çıxışı zamanı deyib.

Onun sözlərinə görə, əgər ehtiyac yaranacaqsa, hər şey vətəndaşların təhlükəsizliyi üçün təmin ediləcək.

Hökumət rəsmisi bildirib ki, bu gün əhaliyə pulsuz maskaların paylanılması gündəmdə deyil: "Həm də apteklərdə satılan maskaların qiyməti də münasibdir. Eyni zamanda zərurət olmadan küçəyə çıxılmaması qərarı da maska istifadəsini azaltmış olur".