Gürcüstanda koronavirusdan sağalanların sayı 111-ə çatdı

Gürcüstanda koronavirusa yoluxan daha 4 nəfər sağalıb.

“Report”un yerli bürosu xəbər verir ki, bu barədə Gürcüstan hökumətinin koronavirusla bağlı xüsusi rəsmi saytında bildirilib.

Bununla da qonşu ölkədə COVID-19-dan sağalan pasiyentlərin sayı 111-ə çatıb.

Hazırda ölkə üzrə karantində 5 223, stasionar nəzarətdə isə 584 nəfər saxlanılır.

Qeyd edək ki, indiyədək qonşu ölkədə koronavirusa 420 nəfər yoluxub, onların 5-i ölüb. Gürcüstanda Türkiyə və Ermənistandan ölkəyə çatdırılan üç vətəndaş da koronavirusdan müalicə olunur.