Göygöldə iki nəfəri bıçaqlayan şəxs saxlanıldı

Göygöl rayonunun Zurqes kəndində 25 yaşlı Yusif Rəhimov və 28 yaşlı G.Hüseynova bıçaqlanıb.

"Report"un Qərb Mərkəzinin məlumatına görə, hər iki şəxs əvvəlcə Göygöl Rayon Mərkəzi Xəstəxanasına aparılıb, daha sonra isə Gəncə şəhər Təcili Tibbi Yardım Xəstəxanasına yerləşdiriliblər. 

Hazırda cərrahiyyə əməliyyatı keçirən yaralılardan birinin vəziyyəti orta-ağır, digərininki isə kafi olaraq qiymətləndirilir. 

Hadisəni törətməkdə şübhəli bilinən, 2002-ci il təvəllüdlü Aslan Musa oğlu Verdiyev saxlanılaraq istintaqa cəlb olunub.

Qeyd edək ki, Y.Rəhimov A.Verdiyevin xalası qızının keçmiş həyat yoldaşıdır. Hadisənin şəxsi münaqişə zəminində törədildiyi bildirilir.

Faktla bağlı araşdırma aparılır.