Ağdamda məktəb şagirdi yolu keçmək istəyən piyadanı vurub

Ağdam. 7 noyabr. REPORT.AZ/ Ağdam rayonunun Mahrızlı kəndində piyadanın vurulması ilə nəticələnən yol-nəqliyyat hadisəsi baş verib.

"Report"un Qarabağ bürosu xəbər verir ki, 16 yaşlı kənd sakini Boyükağa Qarayev atasına məxsus "VAZ-2106" markalı avtomobil ilə Mahrızlıda hərəkətdə olarkən rayon sakini Səttar Quliyevi vurub.

Müxtəlif bədən xəsarətləri alan piyada Səttar Quliyev kənd xəstəxanasına çatdırılıb.

Faktla bağlı Ağdam rayon Polis şöbəsində araşdırma aparılır.

Hadisəni törədən B.Qarayev Mahrızlı kənd orta məktəbinin IX sinif şagirdidir. O, yol qəzasını təhsil aldığı məktəbin qarşısında törədib.