"Qarabağ"ın futbolçusunun çiyin bağlarından biri qırılıb və digəri isə zədələnib

Premyer Liqanın V turunda “Zirə” ilə səfər matçında zədələnən “Qarabağ"ın futbolçusu Xayme Romeronun durumuna aydınlıq gəlib.

Klubun Mətbuat xidmətindən “Report”a verilən məlumata görə, 29 yaşlı yarımmüdafiəçinin çiyin bağlarından biri qırılıb və digəri isə zədələnib. Xaymenin 10-15 gün yaşıl meydanlardan uzaq qalacağı gözlənilir. Futbolçumuz bu gün tibbi yoxlanış üçün İspaniyaya yollanacaq. Ehtiyac duyulacağı təqdirdə, əməliyyat olunacaq.

Qeyd edək ki, Romero “Qarabağ”ın “Zirə”ni 3:1 hesabı ilə məğlub etdiyi oyunun 82-ci dəqiqəsində zədələnib və Toral Bayramovla əvəzlənib.