"Fiorentina"nın futbolçusunun son durumuna aydınlıq gəlib

İtaliyanın "Fiorentina" klubunun futbolçusu Moyze Kinin son durumuna aydınlıq gəlib.

"Report" Florensiya təmsilçisinin mətbuat xidmətinə istinadən xəbər verir ki, hücumçu xəstəxanadan evə buraxılıb.

24 yaşlı ön xətt oyunçusu A Seriyasının XXVI turunda, "Verona" ilə matçda (0:1) başından diz zərbəsi almışdı. O, meydana qayıtsa da, bir neçə dəqiqə sonra huşunu itirərək yerə yıxılmış və təcili yardım maşını ilə xəstəxanaya aparılmışdı.

Onun səhhətində heç bir problem olmadığı, tibbi və diaqnostik testlərin mənfi nəticələr göstərdiyi bildirilib.

Qeyd edək ki, Moyze Kin 2024-cü ilin yayından "Fiorentina"da çıxış edir. Bu mövsüm o, bütün turnirlərdə 30 oyun keçirib, 19 qol vurub və iki məhsuldar ötürmə edib.