"Elfsborq"un baş məşqçisi: "Qarabağ"la oyunun ilk hissəsində texniki səhvlər etdik"

İlk hissədə çoxlu texniki səhvlər etdik.

"Report"un "Aftonbladet" nəşrinə istinadən məlumatına görə, bunu "Elfsborq"un baş məşqçisi Oskar Hilyemark deyib.

32 yaşlı mütəxəssis İsveçdə "Qarabağ"a qalib gəldikləri UEFA Avropa Liqasının Liqa mərhələsinin VI turunun oyunu barədə fikirlərini bölüşüb.

O, qələbə qazandıqları üçün xoşbəxt olduğunu bildirib:

"Komandamla fəxr edirəm. Meydan son dərəcə sürüşkən idi. Bu, Milad bayramından əvvəl çox gözəl və vacib qalibiyyət idi. Qələbə əldə etməsəydik, növbəti mərhələ şansımız azalacaqdı. Düşünürəm ki, nəhəng klublara qarşı da yüksək səviyyədə çıxış edə bilərik".

Qeyd edək ki, "Qarabağ" səfərdə rəqibinə 0:1 hesabı ilə uduzub.