Gəncədə keçirilən Avropa birinciliyində Azərbaycan gimnastları finala vəsiqə qazanıblar

Gəncə İdman Sarayında keçirilən aerobika gimnastikası üzrə Avropa çempionatında Azərbaycan idmançıları finala vəsiqə qazanıblar.

"Report"un Qərb bürosunun məlumatına görə, 18 ölkədən 151 gimnastın iştirak etdiyi yarışın ikinci günündə təsnifat mərhələsi baş tutub.

İdmançılar qarışıq cütlük, üçlük, qrup və aerodans kateqoriyaları üzrə təsnifat mərhələsində çıxışlarını tamamlayıblar. Aerobika gimnastikası üzrə milli komandanın favorit cütlüyü - Mədinə Mustafayeva - Vladimir Dolmatov uğurlu çıxış sayəsində final mərhələsinə vəsiqə qazanıb.

Yarışın ikinci günündə həmçinin komanda yarışında mükafatlandırma baş tutub. İlk üç pillədə İtaliya, Rumıniya və İspaniya yığması qərarlaşıb.