“SOCAR Polymer”in I rübdə əldə etdiyi ixrac gəlirləri açıqlanıb

Bu ilin yanvar-mart aylarında Azərbaycan Dövlət Neft Şirkətinin (SOCAR) 57 %-lik törəməsi olan “SOCAR Polymer” MMC 56,4 milyon ABŞ dolları dəyərində məhsul ixrac edib.

“Report” xəbər verir ki, bu barədə İqtisadi İslahatların Təhlili və Kommunikasiya Mərkəzinin “İxrac İcmalı”nın aprel sayında bildirilir.

Bu, 2023-cü ilin ilk rübünün göstəricisi ilə müqayisədə 20,4 milyon ABŞ dolları və yaxud 26,6 % azdır.

Qeyd edək ki, bu ilin I rübündə Azərbaycanın ümumi ixracı 6 milyard ABŞ dolları, qeyri-neft sektoru üzrə ixrac isə 673,7 milyon ABŞ dolları təşkil edib.