Direktor: "Azərbaycanda yerli və xarici ovçular daha çox quş ovuna maraq göstərirlər"

Bakı. 7 sentyabr. REPORT.AZ/ "Azərbaycanda yerli və xarici ovçular daha çox quş ovuna maraq göstərirlər".

"Report" xəbər verir ki, bunu Ekologiya və Təbii Sərvətlər Nazirliyində keçirilən mətbuat konfransında nazirliyin Bioloji Müxtəlifliyin Qorunması və Xüsusi Mühafizə Olunan Təbiət Ərazilərinin İnkişafı Departamentinin direktoru Hikmət Əlizadə deyib.

O bildirib ki, avqust ayının 24-dən quş ovu mövsümü açıq elan edilib: "Öncə göyərçinkimilərin ovuna icazə verilib. Oktyabr ayında isə bataqlıq quşlarının ovuna icazə veriləcək".

Direktor qeyd edib ki, ov icazələrinin sayı mövcud obyektin sayına müvafiq olaraq müəyyən edilir: "Ovçuların sayının artması o demək deyil ki, ov icazələrinin sayı artmalıdır".