Tayvan ordusu sabahdan hərbi təlimlərə başlayır

Qismən tanınan Tayvanın Silahlı Qüvvələri avqustun 9-11-də Pindun bölgəsinin cənubunda artilleriyadan döyüş atış təlimi keçirəcək.

“Report” Tayvanın Mərkəzi İnfomasiya Agentliyinə istinadən xəbər verir ki, bu barədə hərbi mənbələr bildirib.

Qeyd olunub ki, bu, Çin Azadlıq Ordusunun Tayvan ətrafında keçirdiyi təlimlərə cavab olaraq həyata keçirilir.

Məlumata görə, Tayvan ordusu sentyabrın 5-də də Pindunda snayper, xüsusi təyinatlı, ümumqoşun tağım, minaatanlar və zirehli hərbi avtomobillərin iştirakı ilə hərbi manevrlər keçirməyi planlaşdırır.

Bildirilib ki, təlimə “AH-1W Super Cobra” və “AH-64 Apache” zərbə helikopterləri də cəlb ediləcək.