Kiyevdə Zelenski, Borrel və Ursula fon der Lyayenin görüşü başlayıb

Ukrayna Prezidenti Volodimir Zelenski, Avropa Komissiyasının sədri Ursula fon der Lyayen və Avropa İttifaqının xarici işlər və təhlükəsizlik siyasəti üzrə ali nümayəndəsi Josep Borrel arasında Kiyevdə görüş keçirilir.

"Report" xəbər verir ki, bu barədə Ukrayna Prezidentinin Ofisi məlumat yayıb.

Məlumata görə, danışıqlar məhdud çərçivədə keçiriləcək, daha sonra onlar Ukrayna və xarici KİV üçün bəyanatlarla çıxış edəcəklər.

Bundan əvvəl Ukraynanın Baş naziri Denis Şmıxal fon der Leyen, Borrell və Slovakiya Nazirlər Kabinetinin rəhbəri Eduard Heqerin Buça şəhərinə səfər etdiyini bildirib.