İraqda ABŞ-a məxsus hərbi baza atəşə tutuldu, 2 hərbçi yaralandı

Bağdadın şimalında yerləşən və ABŞ, eləcə də başqa koalisiya üzvü olan ölkələrin hərbçilərinin yerləşdirildiyi Taci bazası yenidən raket atəşinə tutulub.

“Report” AP-yə istinadən xəbər verir ki, adının çəkilməsini istəməyən İraq rəsmilərinin dediyinə görə, onlarla raketin atıldığı bazada azı 2 iraqlı hərbçi yaralanıb.

Bu hücumun fərqli cəhəti kimi gündüz baş verməsi göstərilir, halbuki əvvəllər bu kimi hücumlar gecə vaxtı törədilib.

Xatırladaq ki, çərşənbə günü eyni ərazinin raket atəşinə tutulması nəticəsində 2 amerikalı və 1 britaniyalı hərbçi həlak olub. Dünən isə ABŞ hərbçiləri bu hücumun səbəbkarı kimi iranpərəst “Qeytəb Hizbullah” silahlı dəstəsinin mövqelərinə hava zərbəsi endiriblər.