Hindistanda bir gündə 421 nəfər virusdan ölüb

Son gün ərzində Hindistanda 33 205 nəfər koronavirusa yoluxub.

“Report” xəbər verir ki, bu barədə Hindistanın Səhiyyə və Ailə Rifahı Nazirliyi məlumat yayıb.

Bununla da pandemiya baş qaldırandan indiyədək ölkədə koronavirusa yoluxanların ümumi sayı 32 225 159 nəfərə çatıb.

Son gündə koronavirus səbəbindən 421 nəfər vəfat edib ki, bununla da bu baxımdan ümumi say 431 674 nəfər olub. Hazırda ölkədə aktiv xəstə sayı 389 544 nəfərdir.