Asiyanın iki ölkəsində koronavirusa yoluxanların sayı artdı

Hindistan və Filippində koronavirus daşıyıcılarının sayı kəskin artıb.

“Report” xarici KİV-ə istinadən xəbər verir ki, Hindistanda 9, Filippində isə daha 11 yoluxma halı aşkarlanıb.

Bununla da koronavirus daşıyıcılarının sayı Hindistanda 56, Filippində isə 35 nəfərə çatıb.

Qeyd edək ki, Filippində indiyədək 1 ölüm faktı qeydə alınıb.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda epidemiya 115 ölkədə qeydə alınıb.

Dünyada koronavirus infeksiyasına indiyədək yoluxanların sayı 114 505-ə çatıb. Bunların 64 272 nəfəri sağalıb, 4 027 nəfəri isə ölüb.

Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub.