Azərbaycanın Rusiyadan buğda idxalı kəskin azalıb

Bu ilin birinci rübündə Azərbaycan xaricdən 62,391 milyon ABŞ dolları dəyərində 182 min 864 ton buğda alıb.

“Report”un Dövlət Statistika Komitəsinin məlumatları əsasında apardığı hesablamalara əsasən, ötən ilin eyni dövrü ilə müqayisədə idxal dəyər ifadəsində 31 % artıb, kəmiyyət olaraq – 2,7 % azalıb.

Hesabat dövründə Qazaxıstandan 31,719 milyon ABŞ dolları dəyərində 94 min 657 ton, Rusiyadan 30,672 milyon ABŞ dolları dəyərində 88 min 207 ton məhsul gətirilib.

2021-ci ilin ilk üç ayının göstəriciləri ilə müqayisədə Qazaxıstandan tədarük müvafiq olaraq 40 dəfə və 31,5 dəfə artıb, Rusiyadan – 34,6 % və 52,6 % azalıb.