Azərbaycan Qazaxıstandan buğda idxalını 87 % artırıb

Buğda mövsümün I yarısında (sentyabr-fevral aylarında) Azərbaycan Qazaxıstandan 239,9 min ton buğda idxal edib.

"Report" bu barədə xarici mətbuata istinadən xəbər verir.

Məlumata görə, bu, illik müqayisədə 87 % və ya 128,25 min ton çoxdur.

Təkcə 2023-cü ilin ilk 2 ayında Qazaxıstandan Azərbaycana 75 min ton buğda ixrac edilib ki, bu da illik müqayisədə 62,2 min ton və ya 6,1 dəfə çoxdur.

Beləliklə, Azərbaycan son bir neçə mövsümdə Qazaxıstan buğdasının əsas idxalçıları sıralamasındakı ilk 10-luqda yerini qoruyub.