Rodriqes Blandon: Latın Amerikasında gənclər və qadınlar şəhər təhlükəsizliyinə yanaşmanı dəyişirlər

Latın Amerikası ölkələrində gənclər və qadınlar rəqəmsal alətlərdən, eləcə də ictimai iştirakçılıq mexanizmlərindən istifadə edərək şəhər təhlükəsizliyinə yanaşmaların formalaşmasında getdikcə daha fəal iştirak edirlər.

"Report" xəbər verir ki, bu barədə regionun nümayəndəsi Mayte Rodriges Blandon Ümumdünya Şəhərsalma Forumunun 13-cü sessiyası (WUF13) çərçivəsində keçirilən "Təhlükəsiz və dayanıqlı şəhərlər üçün gənclərin liderliyi" tədbirində bildirib.

Onun sözlərinə görə, Kolumbiyada və Latın Amerikasının digər ölkələrində qadınların sülhquruculuq proseslərinə, zorakılığa qarşı mübarizəyə və inklüziv şəhər siyasətinin inkişafına cəlb edilməsinə yönəlmiş təşəbbüslər həyata keçirilir.

"Xüsusi diqqət gənclərin və qadınların ictimai təşkilatların fəaliyyətində iştirakına yönəldilir, o cümlədən Qvatemalada baza qadın birlikləri və yerli xalq icmaları da daxil olmaqla," - Rodriges Blandon qeyd edib.

O vurğulayıb ki, aparılmış araşdırmalar bu cür təşkilatların dayanıqlılığını və institusional formalaşmasını göstərib, lakin onların əlavə dəstəyə, həmçinin varisliyin təmin edilməsi üçün gənclərin cəlb olunmasına ehtiyacı var.

Latın Amerika nümayəndəsinin sözlərinə görə, gənc qadınlarla aparılan iş artıq metodologiyaların və sahə araşdırmaları alətlərinin yenilənməsinə gətirib çıxarıb, o cümlədən şəhər məkanlarının təhlükəsizlik auditi də daxil olmaqla.