Prezident: Azərbaycanda 200-dən çox Almaniya şirkəti uğurla fəaliyyət göstərir

Almaniya şirkətləri Azərbaycanda fəal işləyir.

"Report"un Berlinə ezam olunmuş əməkdaşı xəbər verir ki, bunu Azərbaycan Prezidenti İlham Əliyev Almaniya Kansleri Fridrix Merts ilə birgə mətbuat konfransında bildirib.

Onun sözlərinə görə, hazırda Azərbaycanda Almaniya kapitalı olan 200-dən çox şirkət fəaliyyət göstərir.

"Əminəm ki, bugünkü danışıqlardan sonra onların sayı artacaq", - Azərbaycan Prezidenti deyib.

Prezidentin sözlərinə görə, Almaniya biznesinin iştirakının daha da genişlənməsinə Bakının yaxın vaxtlarda təqdim etməyi planlaşdırdığı birgə investisiyalar və konkret təkliflər töhfə verəcək.