“Şahdağ Turizm Mərkəzi” ötən il də zərərlə işləməsinin səbəbini açıqlayıb

Dövlət Turizm Agentliyinə məxsus “Şahdağ Turizm Mərkəzi” QSC 2022-ci ili də zərərlə başa vurmasına aydınlıq gətirib.

Bu barədə "Report"un sorğusuna cavab olaraq qurumdan açıqlama verilib.

Açıqlamada deyilir ki, Mərkəzin birja əməliyyatı gəlirlərindəki 56,3 % artımı (müştəri sayının artımı) nəzərə aldıqda buna nisabətdə inzibati xərclərin (kompleksin köhnəlməsi ilə əlaqədar meydana çıxan təmir və bərpa xərcləri) 11,2 %, satışın maya dəyərinin 17 % olmaqla təbii şəkildə artması, eləcə də 2021-ci ilə nisbətdə cari ildə büdcədən daxil olan vəsaitin 13,6 % azalması, həmçinin ötən illərin yığılmış kreditor öhdəliklərinin 37,3 % azaldılması müəyyən kəsir və zərərlərə səbəb olub.