Göydəniz Qəhrəmanov: “Azərbaycanda birbaşa reyslərin artırılması turizmin inkişafını təşviq edən əsas amildir”

Azərbaycanda turizmin inkişafı üçün xarici ölkələrlə birbaşa reyslərin artırılması vacibdir.

"Report" xəbər verir ki, bunu Turizm Agentlikləri Assosiasiyasının İdarə Heyətinin sədri Göydəniz Qəhrəmanov jurnalistlərə açıqlamasında deyib.

"Turizm şirkətləri turpaketlərin qiymətini formalaşdırarkən ilk olaraq loqistikaya diqqət yetirirlər. Ona görə də yaxşı olardı ki, birbaşa reyslərin sayı artırılsın. Belə ki, bu, turizmin inkişafını təşviq edən əsas amillərdəndir", - deyə o qeyd edib.

G.Qəhrəmanov həm də rayonlarda hotellərin sayının artırılmasının vacibliyini vurğulayıb: “Təəssüf ki, elə rayonlar var ki, orada hotellərin sayı azdır. Yerli şirkətlərin bu məsələdə aktiv olmasını istəyirik".