Hacıqabul Sənaye Parkında məhsul istehsalının həcmi açıqlanıb

İndiyədək Hacıqabul Sənaye Parkında 280 milyon manatlıq məhsul istehsal edilib ki, bunun da 4 milyon manatlıq hissəsi ixracın payına düşür.

"Report" bu barədə İqtisadiyyat Nazirliyinin yanında İqtisadi Zonaların İnkişafı Agentliyinə istinadən bildirib.

Məlumata görə, sahibkarlar sənaye parkına 59 milyon manatdan çox investisiya yatırıb, növbəti mərhələdə mövcud layihələr üzrə əlavə olaraq 124 milyon manatdan artıq investisiyanın da yatırılması planlaşdırlır.

Parkda investisiya həcmi 183 milyon manatdan çox olan 12 sahibkarlıq subyektinə rezidentlik, 5 sahibkara isə qeyri-rezidentlik statusu verilib.

İndiyədək Hacıqabul Sənaye Parkında 360-dan artıq daimi iş yeri yaradılıb.