Avrozonada sənaye istehsalı 30%-ə yaxın azalıb

Bu ilin aprel ayında Avrozonada sənaye istehsalı ötən ilin eyni dövrü ilə müqayisədə 28% azalıb.

“Report” Avropa Statistika İdarəsinə (Eurostat) istinadən xəbər verir ki, bu, mart ayı ilə müqayisədə 17,1% azdır.

Məlumata görə, aprel ayında Avropa İttifaqında (Aİ) sənaye istehsalı illik müqayisədə 27,2%, əvvəlki aya nisbətən isə 17,3% kiçilib.

Hesabat dövründə aylıq müqayisədə Aİ ölkələrində sənaye istehsalının azalmasına görə, ilk üçlükdə Macarıstan (30,5%), Rumıniya (27,7%), Slovakiya (26,7%), illik müqayisədə isə Lüksemburq (43,9%), İtaliya (42,5%), Slovakiya (42%) qərarlaşıb.