Hesabat: “2050-ci ilə qədər iqlim dəyişikliyindən ölüm hallarının 50 faizindən çoxu Afrikada qeydə alınacaq”

“2030-cu ilə qədər dünya üzrə hər il 560 orta və irimiqyaslı təbii fəlakətin olacağı proqnozlaşdırılır”.

“Report” xəbər verir ki, bu barədə məlumat Ümumdünya Səhiyyə Təşkilatı (ÜST) və bir çox digər beynəlxalq təşkilatların iştirakı ilə hazırlanan hesabatda deyilir.

Qeyd olunub ki, iqlim dəyişikliyinin mənfi təsirlərinin qarşısının alınması ilə bağlı erkən xəbərdarlıq sistemləri mühüm təsirə malikdir.

Vurğulanıb ki, gələcəkdə daha intensiv və tez-tez baş verən həddindən artıq istilər, qasırğalar, fırtınalar, daşqınlar, quraqlıqlar və meşə yanğınları səbəbindən sağlamlıq riskləri artacaq, 2050-ci ilə qədər iqlim dəyişikliyindən ölüm hallarının 50 faizindən çoxu Afrikada qeydə alınacaq.