Endokrinoloq: “İki-üç saatdan bir 1 stəkan su içmək gün ərzində 2 litr su içmək deməkdir”

“Gün ərzində ən azı 3 litrə yaxın su qəbulu məsləhətdir. İki-üç saatdan bir 1 stəkan su içmək gün ərzində 2 litr su içmək deməkdir”.

“Report” xəbər verir ki, bunu Səhiyyə Nazirliyinin mütəxəssis-eksperti, uşaq endokrinoloqu Azad Əkbərzadə deyib.

Endokrinoloqun sözlərinə görə, həmin miqdar bədənin gündəlik tələbatıdır:

“Bədəndə suyun kifayət qədər olması önəmlidir. Çay da yanındakı şirniyyatlara görə içilir. Bu da çoxlu şirniyyat qəbulu deməkdir. Onların əvəzinə su qəbulu piylənmə məsələsinə kömək etmiş olur. Yeməklə su içmək olmaz düşüncəsi yanlışdır”.