Zurabişvili: “Azərbaycanlılar və ermənilərin Gürcüstanda dinc şəraitdə yaşaması Qafqaz üçün nümunədir”

“Gürcüstanın azərbaycanlı və erməni vətəndaşlarının dinc şəraitdə birgə yaşaması tolerantlıq göstəricisidir və bu, Qafqaz üçün müsbət nümunədir, həm də regionun ənənələrinin davamıdır”.

“Report”un yerli bürosu xəbər verir ki, bunu Gürcüstan Prezidenti Salome Zurabişvili Ermənistanın dövlət başçısı Vaaqn Xaçaturyanla görüşdən sonra deyib.

Prezident erməni həmkarı ilə nəqliyyat və yüksək texnologiyalar sahələrində mövcud əlaqələr və əməkdaşlıq potensialının artırılması məsələlərini müzakirə etdiyini bildirib: “Regionun tranzit potensialına, yeni infrastruktur şəbəkələri və enerji marşrutlarına hər iki tərəfdə böyük maraq var və biz birgə səylərlə bu istiqamətdə iş aparmalıyıq”.