Zelenski: “NATO sammitində Ukrayna üçün üç məsələ prioritetdir”

“Ukrayna NATO-nun Vilnüs sammitinin ikinci günündə üç məsələni müzakirəyə çıxaracaq”.

“Report” UNIAN-a istinadən xəbər verir ki, bunu jurnalistlərə açıqlamasında Ukrayna Prezidenti Volodimir Zelenski bildirib.

“Bu gün gündəliyimizdə üç prioritet məsələ var. Birincisi, ordumuzun döyüş qabiliyyətini qorumaq üçün yeni silah paketləridir. İkincisi, məncə, bu, NATO-ya dəvətdir”, - o vurğulayıb.

V.Zelenski deyib ki, üçüncü mühüm məsələ Ukraynanın NATO-ya daxil olmaq yolunda təhlükəsizlik təminatıdır.

Qeyd edək ki, daha əvvəl Ağ Ev sammitin yekunlarına əsasən G7 ölkələrinin Ukraynaya təhlükəsizlik zəmanəti verəcəklərini açıqlamışdı.