Türkiyənin müdafiə naziri: "Azərbaycan və Ermənistan arasında sülh səylərini dəstəkləyirik”

"Azərbaycan və Ermənistan arasında hərtərəfli və daimi sülh istiqamətində səmimi səyləri dəstəkləyirik və bunun tezliklə müsbət nəticələnməsini arzulayırıq".

"Report" xəbər verir ki, bunu Türkiyənin milli müdafiə naziri Yaşar Gülər deyib.

"Qafqazda təhlükəsizliyin və sülhün bərqərar olması Azərbaycan və Ermənistan arasında hərtərəfli və daimi sülh müqaviləsinin bağlanmasını tələb edir”, - nazir vurğulayıb.

Gülər ​​bu il Türkiyə Cümhuriyyətinin 100 illiyi və Azərbaycan xalqının Ümummilli Lideri Heydər Əliyevin anadan olmasının 100 illiyi münasibətilə iki ölkənin gücünü və əzmini nümayiş etdirən taktiki “Mustafa Kamal Atatürk-2023” təlimi də daxil olmaqla 14 birgə təlimin keçirildiyini bildirib.