Tbilisidə gecə etirazları zamanı 32 polis xəsarət alıb

Tbilisidəki gecə etirazları zamanı Gürcüstanın Daxili İşlər Nazirliyinin 32 əməkdaşı xəsarət alıb.

"Report"un yerli bürosu xəbər verir ki, bu barədə Daxili İşlər Nazirliyi məlumat yayıb.

Məlumata görə, xəsarət alan polis əməkdaşlarından 13-nə cərrahiyyə əməliyyatı lazım olub, 1 polis hələ də xəstəxanadadır.

Polisə tabe olmamaq və inzibati qaydanı pozmaq ittihamı ilə 43 nəfər saxlanılıb.

Qeyd edək ki, etirazçılar polisə müxtəlif əşyalar, tüstü bombaları atıb və polis əməkdaşlarının gözlərini lazerlə korlaşdırıblar.