Tbilisi aeroportunda əcnəbidən 2 kq-dan çox narkotik vasitə aşkarlanıb

Tbilisi beynəlxalq hava limanında 1981-ci il təvəllüdlü A.İ. adlı xarici ölkə vətəndaşı saxlanılıb.

“Report”un yerli bürosu xəbər verir ki, bu barədə Gürcüstanın Daxili İşlər Nzirliyindən bildirilib.

Əcnəbiyə məxsus yüklərə baxış zamanı 2 kiloqram 200 qram çəkidə kokain aşkarlanıb.

Faktla bağlı istintaq tədbirləri davam etdirilir.

Saxlanılan şəxsi 15 ildən 20 ilədək və ya ömürlük həbs cəzası gözləyir.