Səhiyyə naziri: "Ərdoğanın səhhəti yaxşıdır"

“Prezidentimizin səhhətini yaxından müşahidə edirik, vəziyyəti yaxşıdır”.

“Report” xəbər verir ki, bunu Türkiyənin səhiyyə naziri Fahrettin Koca Prezident Rəcəb Tayyib Ərdoğanın sağlıq durumu ilə bağlı danışarkən bildirib.

“Dövlət başçısının sizə salamları var”, - deyə nazir vurğulayıb.

Xatırladaq ki, R.T.Ərdoğan aprelin 25-də canlı yayımda sualları cavablandıran zaman özünü narahat hiss edib. Ona görə də verilişə fasilə verilib.

Türkiyə lideri canlı yayım bərpa edildikdən sonra deyib: “Seçki kampaniyasına görə çox işləyirik. Bu səbəbdən mədəmə soyuq olub”.

Dövlət başçısının aprelin 26-na nəzərdə tutulan proqramı təxirə salınmışdı. R.T.Ərdoğan ötən gün evində istirahət edib.