Rusiya və BƏƏ prezidentləri İran-İsrail münaqişəsinin gərginləşməsini müzakirə ediblər

Rusiya və BƏƏ prezidentləri Vladimir Putin və Məhəmməd bin Zayed Al Nəhyan telefon danışığı zamanı İran və İsrail arasındakı münaqişənin gərginləşməsini müzakirə ediblər.

“Report” xəbər verir ki, bu barədə Rusiya KİV-i məlumat yayıb.

Prezidentlər münaqişənin gərginləşməsindən narahatlıqlarını ifadə edərək, döyüş əməliyyatlarının dayandırılmasının və İranın nüvə proqramı ilə bağlı məsələlərin həllinin aktivləşdirilməsinin vacibliyini vurğulayıblar.

V.Putin qeyd edib ki, Rusiya İran və İsrail arasında dialoqun aparılmasına vasitəçilik etməyə hazırdır.

Bildirilib ki, dövlət başçıları Rusiya-BƏƏ əməkdaşlığının yüksək səviyyəsindən məmnunluqlarını ifadə ediblər.