Qaya Məmmədov: Ermənistan konstitusiyasında Azərbaycana qarşı ərazi iddiaları aradan qaldırılmalıdır

Ermənistan referendum keçirərək konstitusiyasındakı Azərbaycana qarşı ərazi iddialarını aradan qaldırmalıdır.

"Report" xəbər verir ki, bunu Milli Məclisin deputatı Qaya Məmmədov "Cənubi Qafqazda Yeni Geosiyasi Reallıqlar: Azərbaycan və Sülh Gündəliyi" mövzusunda keçirilən tədbirdə deyib.

Onun sözlərinə görə, Azərbaycanın sülh gündəliyi ilə bağlı səyləri təqdirəlayiqdir:

"Bundan sonrakı addım Ermənistan konstitusiyasındakı Azərbaycana qarşı ərazi iddiaları ilə bağlı müddəaların aradan qaldırılmasıdır. Bunun zəruriliyi dəfələrlə qeyd olunub. Ermənistan cəmiyyəti vaxtilə həmin konstitusiyanı qəbul etməklə Azərbaycana qarşı ərazi iddiasını rəsmiləşdirib. O baxımdan, Ermənistan referendum keçirərək bu iddiaları aradan qaldırmalıdır".