Peskov: Rusiya ilə Ermənistan arasında münasibətlərdəki çətinliklər geridə qalacaq

Rusiya ilə Ermənistan arasında münasibətlərdəki çətinliklər arxada qalacaq, iki ölkə arasında qarşılıqlı faydalı əməkdaşlıq var.

"Report" xəbər verir ki, bunu Kremlin mətbuat katibi Dmitri Peskov Soçidə keçirilən Ümumdünya Gənclər Festivalı çərçivəsində “Bilik. Birinci” marafonunda çıxış edərkən bildirib.

“Ən yaxın qonşuların münasibətlərinin gərginləşə biləcəyi dövr ola bilər, lakin bu məsələnin həlli üçün siyasi iradə lazımdır. Bu mənada Rusiya tərəfində bununla bağlı siyasi iradə var. Ona görə də mən əminəm ki, bütün bu çətinliklər arxada qalacaq”, - o vurğulayıb.