Peskov: Moskva Ermənistanda hakimiyyətin qanuniliyində maraqlıdır

Rusiya Prezidentinin mətbuat katibi Dmitri Peskov Moskvanın Ermənistanda legitim hakimiyyətin qorunmasında maraqlı olduğunu bəyan edib.

“Report”un məlumatına görə, bu barədə TASS xəbər verib.

"Moskva İrəvanda qanuniliyin qorunmasında, Ermənistanın Rusiyaya dost olan və inkişaf edən ölkə olmasında maraqlıdır", - o bildirib.

Peskov həmçinin vurğulayıb ki, Ermənistanda baş verən proseslər dövlətin daxili işləridir.

Mətbuat katibi əlavə edib ki, Moskva Rusiya Federasiyasının vətəndaşı olan Samvel Karapetyanın İrəvanda saxlanılması ilə əlaqədar Ermənistan hakimiyyəti ilə təmasdadır.