Mamuka Pipiya: Rusiyanın gürcülər üçün vizasız rejimi genişləndirmək qərarı yaxınlaşma istiqamətində mühüm addımdır

Rusiya Prezidenti Vladimir Putinin Gürcüstan vətəndaşları üçün vizasız rejimi genişləndirmək qərarı yaxınlaşma istiqamətində atılan daha bir addımdır.

"Report"un yerli bürosu xəbər verir ki, bunu Gürcüstanın "Sülh naminə Həmrəylik” partiyasının katibi Mamuka Pipiya “Sputnik Gürcüstan”a bildirib.

“Bu qərar bütün gözləntilərimizi üstələdi. Partiyamız Gürcüstan vətəndaşları üçün vizaların tamamilə ləğvini, leqal məşğulluq üçün kvota, eləcə də Rusiyadan deportasiya olunmuş gürcülərə amnistiya verilməsini xahiş etmişdi, iki istəyimiz yerinə yetirildi. Rusiya tərəfi daha da irəli getdi, heç bir kvota yoxdur, sadəcə Gürcüstanın istənilən vətəndaşına istənilən sayda işə düzəlməyə icazə verir”, - M.Pipiya deyib