Korrupsiyada ittiham olunan Ermənistanın regional hərbi polis rəisinin cinayət işi məhkəməyə göndərilib

Ermənistan Müdafiə Nazirliyinin regional hərbi polisinin rəisinə qarşı korrupsiya ittihamı ilə açılan cinayət işi məhkəməyə göndərilib.

“Report” xəbər verir ki, məlumatı “Aysor” yayıb.

Bildirilib ki, Ermənistan Antikorrupsiya komitəsinin Əməliyyat istintaq bölməsinin fəaliyyəti nəticəsində rəis 570 min dram (2 min 50 manata yaxın) məbləğində rüşvət alması müəyyənləşib.

Cinayət işi üzrə istintaq tamamlanıb. İttiham aktı prokuror tərəfindən təsdiq edilib və iş mahiyyəti üzrə baxılması üçün məhkəməyə göndərilib.