İsrail XİN başçısı: "İtaliyalı nazirlə Sepahın terrorçu elan olunması məsələsini müzakirə etdik"

“İranın nüvə proqramına qarşı mübarizə və İnqilab Keşikçiləri Qvardiyasının (Sepah) terrorçu təşkilat elan olunması kimi məsələləri müzakirə etdik”.

“Report” “Amerikanın səsi” radiosunun farsca redaksiyasına istinadən xəbər verir ki, bu barədə İsrailin xarici işlər naziri Eli Kohen İtaliya XİN başçısı Antonio Tacani ilə keçirdiyi görüşdə müzakirə etdikləri məsələlər barədə tviter səhifəsindəki açıqlamasında bildirib.

E.Kohen italiyalı həmkarı ilə qlobal böhranı nəzərə alaraq enerji sahəsində əməkdaşlıq etmək barədə razılığa gəldiklərini söyləyib: “İtaliyanın xarici işlər naziri də açıq şəkildə bildirdi ki, İsraili silmək tələbi antisemitizmin yeni formasıdır və onunla mübarizə aparılmalıdır”.