İran “Xatəm əl-Ənbiya" qərargahının komandanının ölümünü təsdiqləyib

İslam İnqilabı Keşikçiləri Korpusu (SEPAH) İran Silahlı Qüvvələrinin “Xatəm əl-Ənbiya” Qərargahının rəisi, general Əli Şadmaninin İsrailin zərbələri nəticəsində aldığı yaralardan öldüyünü təsdiqləyib.

"Report" xəbər verir ki, bu barədə SEPAH-ın bəyanatında deyilir.

Qeyd olunur ki, Şadmani ötən həftə İsrailin endirdiyi zərbə nəticəsində ağır yaralar aldıqdan sonra dünyasını dəyişib.

İyunun 17-də İsrail ordusunun mətbuat xidməti xəbər verib ki, Şadmani gecə İrana endirilən zərbələr zamanı məhv edilib.