Hökumət rəsmisi: "Ermənistanı son 30 ildə 1,5 milyon vətəndaş tərk edib"

“Son 30 ildə Ermənistanı 1,5 milyondan çox vətəndaş tərk edib”.

“Report” “News.am”a istinadən xəbər verir ki, bunu Ermənistan Baş naziri yanında diaspor işləri üzrə baş səlahiyyətli nümayəndə Zare Sinanyan bildirib.

Onun sözlərinə görə, belə vəziyyətlə barışmaq olmaz.

Mütəxəssislərin fikrincə, vətəndaşlar Ermənistanı sosial vəziyyətlərini yaxşılaşdırmaq, işsizlik və bu kimi səbəblərdən tərk ediblər.

Xatırladaq ki, son 30 ildə Ermənistandan 250 mindən çox azərbaycanlı qaçqın vəziyyətinə salınıb. Zare Sinanyan bu rəqəmi siyahıya yəqin daxil etməyib. Çünki Ermənistanda aparılan etnik ayrı-seçkilik səbəbindən bu ölkə monoetnikdir.