Gürcüstanda daha 12 101 nəfərdə COVID-19 aşkarlanıb, 45 nəfər ölüb

Gürcüstanda ötən sutkada koronavirusa 12 101 yeni yoluxma halı təsdiqlənib, 45 nəfər vəfat edib.

“Report”un yerli bürosu xəbər verir ki, bu barədə Gürcüstan hökumətinin xüsusi rəsmi saytında bildirilib.

Bununla da qonşu ölkədə indiyədək COVID-19-a yoluxanların sayı 1 565 769-a, ölənlərin sayı isə 15 933-ə çatıb.

Son bir gündə 14 764, ümumilikdə isə 1 422 540 nəfər müalicə olunaraq sağalıb.