Gürcüstanda daha 1 099 nəfərdə koronavirus aşkarlanıb, 10 nəfər ölüb

Gürcüstanda son sutkada koronavirusa 1 099 yeni yoluxma halı təsdiqlənib, 10 nəfər vəfat edib.

“Report”un yerli bürosu xəbər verir ki, bu barədə Gürcüstan hökumətinin xüsusi rəsmi saytında bildirilib.

Bununla da qonşu ölkədə indiyədək COVID-19-a yoluxanların sayı 1 638 790-a, ölənlərin sayı isə 16 595-ə yüksəlib.

Son bir gündə 800, ümumilikdə isə 1 591 180 nəfər müalicə olunaraq sağalıb.